ಕೋಪದಿಂದ ಏನೂ ಸಾಧಿಸಲಾಗುವುದಿಲ್ಲ ಅಂತಾರೆ,ಆದರೆ ಕೋಪ ಅಗ್ನಿಯಂತೆ ಸುಡುತ್ತದೆ,ಉರಿಯುತ್ತೆ ಮೈಯೆಲ್ಲ ಕೋಪದಿಂದ.ವಾತಾವರಣದಲ್ಲಿ ಮೌನವಿದ್ದಾಗ,ಯಾವುದೋ ಒಂದು ಭಾವುಕವಾದ ಹಾಡನ್ನು ಕೇಳುತ್ತಿರುವಾಗ ಕೋಪ ತರಿಸಿದ್ದಂತಹ ಹಿಂದಿನ ಮಾತುಗಳು ಪ್ರಯತ್ನವಿಲ್ಲದೇನೆ ಬಂದುಬಿಡುತ್ತವೆ.ನಾವೇನೂ ತಪ್ಪು ಮಾಡದೆ ಕೂಡ ಒಬ್ಬರಿಂದ ಅನ್ನಿಸಿಕೊಳ್ಳುವುದು ಅವಮಾನಕರ ಸಂಗತಿ.ನಾವು ಎಷ್ಟು ಸರಿಯಾಗಿದ್ದರೂ ಜನರು ಯಾಕೆ ನಮ್ಮನ್ನು ಹಾಗೆ ನಡೆಸಿಕೊಳ್ಳುತ್ತಾರೆ ಎಂಬುದೇ ತಿಳಿಯದ ವಿಷಯ.ಯಾರೋ ಆಡುವ ಮಾತಿಗಳಿಗೆ ಬೇಸರವಾಗುವುದಿಲ್ಲ ಆದರೆ,ಮನೆಯವರೇ ನಮ್ಮನ್ನು ಹೀನಾಯವಾಗಿ ಕಂಡರೆ,ನಮ್ಮ ಯಾವ ಸಂತೋಷವನ್ನೂ ಹಂಚಿಕೊಳ್ಳದೆ,ಅದರಲ್ಲಿ ಹುಳುಕನ್ನೇ ಹುಡುಕಿದರೆ,ಆಗ ಬರುವ ಕೋಪವನ್ನು ತಡೆಯಲಾಗುವುದಿಲ್ಲ.ಎದುರಿಗಿರುವ ಏನನ್ನೋ ಒಡೆದು ಕೋಪಶಮನ ಮಾಡಿಕೋ ಬೇಕನಿಸುತ್ತೆ.ಆದರೆ,ಹಾಗೆ ಮಾಡಲು ಬುದ್ಧಿ ಬಿಡುವುದಿಲ್ಲ.ಬದಲಾಗಿ,ತೊಡೆಯ ಮೇಲೆ ಎರಡು-ಮೂರು ಸಲ ಹೊಡೆದುಕೊಂಡು ಸಮಾಧಾನ ಪಟ್ಟಿಕೊಳ್ಳಬೇಕು.ಆಗಲೇ,ಸ್ವಲ್ಪ ಮಟ್ಟಿಗೆ ಕೋಪ ಇಳಿಯುತ್ತೆ.ಒಂದು ತರಹದ depression ಬಂದು ಬಿಡುತ್ತದೆ.ಎಷ್ಟೇ ನೆಮ್ಮದಿಯಾಗಿರಲು ಪ್ರಯತ್ನಿಸಿದರೂ ಆಗದು.ಒತ್ತಿಕೊಂಡು ಬಂದುಬಿಡುತ್ತೆ ಕೋಪ.ಕೆಲವು ಸಲ,ಮಾತುಗಳು ನೆನಪಾಗಿ ಅಳು ಬರುವ ಹಾಗಾಗುತ್ತೆ.ದುಃಖವಾಗುತ್ತೆ.ಮನಸ್ಸು ಗಾಯಗೊಂಡಿರುತ್ತೆ.
ಕೋಪದಿಂದ ಆಗುವುದು ಏನೂ ಇಲ್ಲ, ಸತ್ಯ.ಆದರೆ,ಕೋಪ ಬಿಟ್ಟು ಇರುವುದಾದರೂ ಹೇಗೆ?ಕೋಪವಿಲ್ಲದೇ ಇರಬೇಕಾದರೆ,ಒಂದು,ಮನುಷ್ಯನ ಸಂಗ ಬಿಡಬೇಕು ಅಥವಾ ಸನ್ಯಾಸಿ ಆಗಿರಬೇಕು,ಅಂದರೆ ನಿರ್ಮೋಹಿಯಾಗಿರಬೇಕು.ಆದರೆ ,ಈ ಎರಡರಲ್ಲೂ ಕೋಪ ಒಂದಲ್ಲ ಒಂದು ರೂಪದಲ್ಲಿ ಇದ್ದೆ ಇರುತ್ತೆ.
ಕೋಪದಿಂದ ಆಗದೇ ಇರುವಂಥದ್ದು ಇಲ್ಲವೇ ಇಲ್ಲ.ಮನುಷ್ಯನ ವಿವೇಚನೆಯನ್ನೇ ಸುಟ್ಟು ಬಿಡುತ್ತದೆ.ಮನಸ್ಸನ್ನು ಕಲಕಿ ಬಿಡುತ್ತದೆ.ಬುದ್ಧಿಯು ಓಡುವುದೇ ಇಲ್ಲ,ಕೋಪ ಬಂದಾಗ.ಒಟ್ಟಿನಲ್ಲಿ,ಕೋಪ ಮನುಷ್ಯ ಇಬ್ಬರೂ ಜೊತೆಯಲ್ಲಿಯೇ ಇರುತ್ತಾರೆ.ಅವರು ಪರಸ್ಪರ ದ್ವೇಷಿಗಳು.ಆದರೂ,ಮನುಷ್ಯ ಕೋಪವನ್ನು ಕೋಪದಿಂದಲೇ ದೂರ ಮಾಡಲು ಯತ್ನಿಸುತ್ತಾನೆ.ಅಲ್ಲಿಗೆ ಕೋಪವಿಲ್ಲದೆ ಕಾರ್ಯವಿಲ್ಲ.ಆದರೆ,"ಕೋಪವೆಂಬುದು ಅನರ್ಥ ಸಾಧನ"........
Subscribe to:
Post Comments (Atom)
No comments:
Post a Comment