ಕಾಡತ್ತೆ,ಎಂದೂ ನಮ್ಮನ್ನು ಬಿಟ್ಟು ಹೋಗುವುದೇ ಇಲ್ಲ.
ನೆನಪು........
ನೆನಪು ಅಂತ ಕರೀತಾರೆ ಅದನ್ನ.ಸವಿನೆನಪು,ಕಹಿನೆನಪು,ಏನೇ ಆಗಲೀ ಅಂತೂ ನೆನಪಂತೂ ಕಾಡತ್ತೆ.ಆ ಘಟನೆ ನಡೆದಾಗ ಅದೊಂದು ಮರೆಯಲಾಗದ ಸಂಗತಿ ಆಗುತ್ತದೆಂದು ಅಥವಾ ಅದು ನಮ್ಮನ್ನು ಕಾಡುತ್ತದೆ ಎಂದು ಗೊತ್ತಾಗುವುದೇ ಇಲ್ಲ.ಸ್ನೇಹಿತರು,ಸ್ಕೂಲಿನ ಮೇಷ್ಟ್ರುಗಳು.ಹಾ!ನೆನಪುಗಳು ಒತ್ತರಿಸಿಕೊಂಡು ಬರುತಿದೆ.ಮೇಷ್ಟ್ರುಗಳನ್ನು ಅವರ ಶಿಸ್ತು ಕ್ರಮವನ್ನು ತಿರಸ್ಕಾರದ ದೃಷ್ಟಿಯಿಂದ ನೋಡುತ್ತಿದ್ದರೂ ಅವರು ಹಾಗೆ ಮಾಡುವುದಕ್ಕೆ ಹೇಳುತ್ತಿದ್ದ ಕಾರಣವನ್ನು ಕೇಳಿ,ಹೌದು ಅನಿಸುತ್ತಿತ್ತು.ಅನಿಸಿರದಿದ್ದರೂ ಈಗ ಅನಿಸುತ್ತದೆ.ಒಂದು ತರಹದ ಪ್ರೀತಿ,ವಿಶ್ವಾಸಗಳನ್ನು ಬೆಳೆಸಿಕೊಂದಿರುತ್ತಿದ್ದರು ಮೇಷ್ಟ್ರುಗಳು.ಆದರೆ ಯಾವಾಗ ಕಾಲೇಜ್ ನ ಮೆಟ್ಟಿಲು ಹತ್ತಿದೆವೋ ಅಂದಿನಿಂದಲೇ ನಮ್ಮ ದಾರಿ ನಮಗೆ ಎನ್ನುವ ಹಾಗೆ ಆಗಿ ಹೋಯಿತು.ನಮ್ಮನ್ನೆಲ್ಲ ಪ್ರೀತಿಯಿಂದ ಮಾತಾಡಿಸುವ ಗುರು,ನಮ್ಮನ್ನಆತ್ಮೀಯ ದೃಷ್ಟಿಯಿಂದ ನೋಡುತ್ತಿದ್ದ ಸ್ನೇಹಿತರು,ರೇಗಿಸುತ್ತಿದ್ದ ಹುಡುಗಿಯರೂ ಹಾ!ಏಕೆ ಹೀಗೆ ನೆನಪುಗಳು ಕಾಡುತ್ತವೆಎಂದು ಅವರ ಮೇಲೆ ಕೋಪವಾಗಲಿ ಏನೊಂದೂ ಬರುತ್ತಿರಲಿಲ್ಲ ಬದಲಾಗಿ ನಾವೂ ಕೂಡ ರೇಗಿಸುತ್ತಿದ್ದೆವು.ಎಂದೂ ಮನಸ್ತಾಪಗಳು ಅಷ್ಟಾಗಿ ಇರುತ್ತಿರಲಿಲ್ಲ.ಒಬ್ಬನ ತಿಂಡಿಯನ್ನು ನಾವು ಕಿತ್ತು ತಿಂದರೂ ಅವನಿಗಾಗಲಿ ನಮಗಾಗಲಿ ಒಂದಿಷ್ಟೂ ಸಂಕೋಚವಾಗುತ್ತಿರಲಿಲ್ಲ.ಆದರೆ ಈಗ ಮ್ಯಾನರಿಸಂ ಅನ್ನುವ ಹೆಸರಲ್ಲಿ ಆ ನಿಕಟತನವೇ ಹೊರಟು ಹೋಗಿದೆ.ಈಗ ಆ ಪ್ರಶ್ನೆಯೇ ಇಲ್ಲ ಏಕೆ ಅಂದರೆ ಎಲ್ಲರೂ ಹೋಟೆಲ್ನಲ್ಲಿ ಊಟ ಮಾಡೋದು ಆದ್ದರಿಂದ ಒಬ್ಬನ ಡಬ್ಬಿಗೆ ಕೈ ಹಾಕುವ ಪ್ರಸಂಗವೇ ಬರುವುದಿಲ್ಲ.ಹಾ ಎಂತಹ ಗತಿ ಬಂದಿದೆ ನಮಗೆಲ್ಲ.ಈಗ ಎಂತಹ ಉತ್ತಮ ಸ್ನೇಹಿತರಿದ್ದರೂ ಸ್ಕೂಲಿನ ಸ್ನೇಹಿತರಂತೆ,ಆ ಮಟ್ಟಿನ ನಿಕಟತನ ಸಾಧ್ಯವಾಗುವುದಿಲ್ಲ.ಇನ್ನು ಗುರುಗಳನ್ತೂ ನಮ್ಮ ಮೇಷ್ಟ್ರುಗಳಂತೆ ಆಗಲು ಸಾಧ್ಯವೇ ಇಲ್ಲ.ಆ ನಗುಗಳು,ಮಾತು...ಹಾ!ಇನ್ನು ಏನೇನೋ ಕಳೆದುಕೊಂಡಿದ್ದೇವೆ.ಅದನ್ನ ಮರಳಿ ಪಡೆಯಲು ಆಗುತ್ತದೆಯೇ?ನಮಗೆ ಆ ಸಂತೋಷ ತಿರುಗಿ ಸಿಕ್ಕುತ್ತೆಯೇ?ಖಂಡಿತ ನನಗೆ ಗೊತ್ತಿಲ್ಲ.ಆ ದಿನಗಳಲ್ಲಿ ಎಂದೂ ಒಂಟಿ ಎಂದು ಅನಿಸುತ್ತಿರಲಿಲ್ಲ.ಆ ಪದದ ಅರ್ಥವೇ ಗೊತ್ತಿರಲಿಲ್ಲ ಅನಿಸುತ್ತೆ.ಆದರೆ ಈಗ,ಬೇಜಾರು,ಒಂಟಿ ಅನ್ನೋ ಭಾವನೆ ಎಲ್ಲವೂ ಬರುತ್ತವೆ.hehe ಬಾಳು ಎಷ್ಟು ಬದಲಾಗುತ್ತದೆ.ಆದರೆ ಇಷ್ಟೊಂದು ಯಾರು ಯೋಚಿಸುತ್ತಾರೆ?ನಾನೊಬ್ಬನೇ ಹೀಗೇನೆ?ಅಥವಾ ಎಲ್ಲರಿಗೂ ಹೀಗನಿಸುತ್ತದೆಯೇ?ಅಷ್ಟೊಂದು ಯೋಚಿಸುವುದಕ್ಕೆ ಸಮಯವಿದೆಯೇ ಎಲ್ಲರಿಗೂ?ಸಮಯ ಬೇಡ,ವ್ಯವಧಾನ?ಕೆಲವರಿಗೆ ಇದು ಯೋಚಿಸುವ ವಿಷಯವೇ ಅಲ್ಲ ಅನಿಸುತ್ತದೆ.ಆದರೆ,ಆದರೆ,ಓಹ್!ಹೇಗೆ ಹೇಳಲಿ?ಮನಸ್ಸು ತುಂಬಿ ಬರುತ್ತೆ.
ನೆನಪುಗಳನ್ನ ಮರೆಯಲು ಸಾಧ್ಯ ಇಲ್ಲ.ಆದರೆ,ಆ ನೆನಪುಗಳನ್ನು ನೆನೆಸಿಕೊಂಡು ಖುಶಿಪಟ್ಟಿ ಕೊಳ್ಳಬೇಕು.ಸ್ನೇಹಿತರು ಸಿಕ್ಕಿದಾಗ ಆಗುವ ಸಂತೋಷ ಎಲ್ಲೇ ಮೀರುತ್ತೆ.
ನೆನಪುಗಳು ಮಧುರ.ಆದರೆ,ಕಾಡಿದಾಗ ಮಾತ್ರ ಏನೋ ಕಳೆದುಕೊಂಡ ಹಾಗಾಗುತ್ತೆ.
.................................
Subscribe to:
Post Comments (Atom)
2 comments:
tumbA nija! mugdhateyalli yAva toMdareya arivU iruvudilla. kAla sariyuttA, aa dinagaLu kEvala nenapAgi namma manassina mUleyalli gUDu kaTTibiDuttave ... :)
sUkShma satyavannu padagaLalli hosedu nenapina lOkakke karedoyda ninage nanna dhanyavAdagaLu ...
Thanks-u
nanaguu aashcarya hege idanna barde anta...eshto dinadinda idara bagge bareyabekanta ittu aadare bareyalaaguttiralilla.....tumbaa prayatnisi barede....
dhanyavaadagaLu :)
Post a Comment